Búgin 19-sentyabr kúni Ózbekstan mámleketlik kórkem óner hám mádeniyat institutı Nókis filialında Jaslar tárbiyasına juwapker qánigeler qatnasıwında menen seminar ótkerildi. Onda Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarmasınıń bas qánigesi X.Nezamatov, respublikalıq úgit-násiyat toparınıń aǵzası, filologiya ilimleri boyınsha filosofiya doktorı, docent Q.Mámbetov hám tyutorlar qatnastı. Seminardı filialdıń hayal-qızlar máseleleri boyınsha másláhátshisi O.Kıdırniyazova ashıp berdi hám basqarıp bardı.

Ilajda sózge shıqqanlar jaslar arasında diniy keńpeyillik hám milletler aralıq tatıwlıqtı bekkemlew, joqarı oqıw orınlarında student-jaslardıń ishki tártip qaǵıydaları hám ádep-ikramlılıq kodekslerine tolıq ámel etiwi, sociallıq-ruwxıy ortalıqtı salamatlastırıw, hayal-qızlar arasında úrp-ádet hám qádiriyatlarǵa sáykes kiyimlerdi jaratıw máseleleri haqqında sáwbetlesti. Ilaj dawamında ámelge asırılatuǵın jumıslar hám wazıypalar belgilep alındı.