Hár qanday xalıqtıń belgili bir zamanlarında onıń kewil dártlerin iláhiyda sóz sheberligi menen jırlawshı, onıń muńların qosıqları menen jetkerip beretuǵın shayırı boladı. Usınday qaraqalpaq xalqınıń XIX ácirdegi klassik shayırı, aǵartıwshı hám baqsı Ájiniyaz Qosıbay ulınıń tuwılǵanına bıyıl 200 jıl toladı.

Sáne múnásibeti menen búgin 3-oktyabr kúni Ózbekstan Mámleketlik kórkem óner hám mádeniyat institutı Nókis filialında Ájiniyaz shayırdıń 200 jıllıǵına baylanıslı ádebiy keshe shólkemlestirildi.
Sonday-aq, «Folklor hám etnografiya» kafedrası baslıǵı L.Maxamatdinovanıń «Baqsıshılıq hám dástanshılıq tiykarları» kitabı hám «Folklor-etnografiyalıq jámáátler menen islesiw metodikası» atamasındaǵı oqıw qollanbası prezintatcyası ótkerildi.

Ilajda Ózbekstan Mámleketlik kórkem óner hám mádeniyat institutı Nókis filialı direktor orınbasarı Q.Yusupov, “Xalıq dóretiwshiligi” fakulteti dekanı Q.Turdieev, professor G.Allambergenova, professor-oqıtıwshılar hám student-jaslar qatnastı.
Ilaj sońında «Baqsıshılıq hám dástanshılıq» qánigeligi studentleri tárepinen tayarlanǵan koncert baǵdarlaması menen juwmaqlandı.

Filial baspasóz xızmeti.