«Kitapqumarlıq hápteligi» sheńberinde Ózbekstan mámleketlik kórkem óner hám mádeniyat institutı Nókis filialında Ahmad Lutfiy Qozonchinıń «Ugay ona» shıǵarmasınıń prezentaciyası shólkemlestirildi.

Onda «Kitapxana xabar iskerligi» tálim baǵdarı 3-kurs studentleri shıǵarma boyınsha jiynalǵanlarǵa maǵlıwmatlar berdi. Sonday-aq, filial Hayal-qızlar máseleleri boyınsha direktor másláhátshisi O.Qdırniyazova, filial Málimleme resurs orayı baslıǵı G.Sharipova hám «Mádeniyat hám kitapxana iskerligi» kafedrası oqıtıwshıları D.Sharipova hám M.Qudaybergenovalar sózge shıǵıp jaslardıń ruwxiy hám mánáwiy jaqtan jetilisiwinde kitaptıń tutqan ornı, studentlerdiń bos waqıtların kitapxanalarda ótkeriw haqqında aytıp ótti.

Ilaj sońında student jaslar ózleriniń dóretiwshilik jumıslarınan hám shayır, jazıwshılardıń shıǵarmalarınan úzindiler oqıdı.

ÓzMKÓMI Nókis filialı baspasóz xizmetı