Ózbekstan mámleketlik kórkem óner hám mádeniyat institutı Nókis filialı Hayal-qızlar keńesi tárepinen hayal-qızlardıń minez-qulıq hám ishki tártip qaǵıydalarına ámel etiw máselelerine baǵıshlanǵan ilaj bolı ótti.

Ilajdı filial Hayal-qızlar máseleleri boyınsha direktor másláhátshisi O.Qdrniyazova alip bardı hám jıynalǵanlarǵa ishki tártip qaǵıydaları hám atqarıw tártibin juwapkershilik penen orınlaw kerekligi boyınsha pikir-usınısların bildirdi. Sonday-aq, “Kórkem ónertanıw” fakulteti dekanı G.Xodjametova, “Xalıq-dóretiwshiligi” kafedrası oqıtıwshısı G.Qojamuratova, filial bas esapshısı M.Habibova hám Málimleme resurıs orayı direktorı G.Sharipovalar sózge shıǵıp,  hayal-qızlardıń jámiyette tutqan ornı, olardıń sóylew ádebi, jumıs orınlarında kiyiniw mádeniyatına turaqlı itibar qaratıw kerekligi boyınsha túsinikler berdi.

Bunnan soń, bir jıllıq máseleler kórip shıǵıldı hám aldaǵı rejeler belgilenip alındı.

ÓzMKÓMI Nókis filialı baspasóz xizmetı