Búgin 16-yanvar kúni Ózbekstan mámleketlik kórkem óner hám mádeniyat institutı Nókis filialı májilisler zalında Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarmasınıń bas qánigesi X.Nezamatov hám filialdıń Hayal-qızlar máseleleri boyınsha direktor másláhátshisi O.Kıdırniyazova basshılıǵında “Hayal taǵdiri” atamasında qısqa metrajlı filim tamashalandı. Ilajǵa filialdıń dekan orınbasarları, dekan másláhátshileri, bólim xızmetkerleri hám filial student qızları qatnastı.

Bul filmde ózbekstanlı bir hayaldıń basınan keshirgen waqıyaları, sırt elde jumıs islew ushın barıp aldanıp qalıp qıyınshılıqlarǵa dus kelgeni, soǵan qaramastan óz watanına qaytıp, bunday halǵa túsip qalǵanına kútá ókingeni sáwlelengen bolıp, film ilaj qatnasıwshıların júda tásirlendirdi.

Film juwmaqlanǵannan soń, Din isleri boyınsha bas qánige X.Nezamatov hám filialdıń Hayal-qızlar máseleleri boyınsha direktor másláhátshisi O.Kıdırniyazovalar sózge shıǵıp, bul filmdi student qızlar názerine usınıwdan maqset hesh bir watanlasımız sırt elde aldanıp qalmawı, adam sawdası sıyaqlı jaman illetlerden awlaq bolıwın ayrıqsha atap ótti. Sonday-aq, student-jaslar da bul mashqala boyınsha óz pikirlerin bildirip, filmnen alǵan tásirlerin bólisti.