Búgin Filialda Ózbekstan Respublikası Ilimler akademiyası Qaraqalpaqstan bólimi Qaraqalpaq gumanitar ilimler institutınıń bas ilimiy xızmetkeri, tariyx ilimleriniń doktori, professor M.Qarlıbaevtıń qatnasında jas ilimpazlar menen ámeliy ushırasıw ótkerildi.

Onda Filial «Xalıq dóretiwshiligi» fakultetiniń dekanı, docent Q.Turdiev hám «Mádeniyat iskerligi» kafedrasınıń baslıǵı, professor G.Saparbaeva M.Qarlıbaevtıń ilimiy miynet jolına toqtap ótip, professordıń xalqımızdıń kórkem óneri menen mádeniyatınıń rawajlanıwına qosıp atırǵan úleslerin joqarı bahaladı.

Bunnan soń professor M.Qarlıbaev sózge shıǵıp, jas ilimpazlar menen óziniń basıp ótken ilimiy miynet jolı hám ondaǵı ráń-báreń hám qızıqlı maǵlıwmatlar dı bólisti. Sonday-aq, Filial qánigeliklerin ele de jetilistiriw boyınsha óz pikir-usınısların berip ótti.

Óz gezeginde, jas ilimpazlar professordan ilimiy miynet jolıńdaǵı ózlerin qızıqtırǵan sorawlarǵa juwaplar aldı hám ushırasıw juwmaǵında Ózbekstan Respublikası Ilimler akademiyası Qaraqalpaqstan bólimi hám Filial arasnıda keleside usı baǵdarda birge islesiwge kelisip alındı.

Filial baspasóz xızmeti