Prezidentimiz Shavkat Mirziyoev tárepinen 2022-jıl 7-mart kúni qabıl etilgen «Shańaraq hám hayal-qızlardı sistemalı qollap-quwatlawǵa baylanıslı jumıslardı bunnan bılay da jedellestiriw ilajları haqqında»ǵı Pármanında mámlekette hayal-qızlardıń huqıqları menen nızamlı máplerin qorǵaw, olardıń ekonomikalıq, sociallıq hám siyasiy belsendiligin arttırıw, densawlıǵın saqlaw, kásipke oqıtıw hám bántligin támiyinlew, isbilermenlikke keńnen tartıw, mútáj hayal-qızlardı sociallıq qollap-quwatlaw, gender teńlikti támiyinlew baǵdarında alıp barılıp atırǵan reformalardı sistemalı dawam ettiriw boyınsha bir qatar áhmiyetli wazıypalar belgilengen edi.

Qaraqalpaqstan Respublikasında 23-27-may kúnleri aralıǵında Hayal- qızlardıń intelektuallıq múlk obektlerine pátent alıwlarına kómeklesiw hámde olardıń xızmetlerine innovaciyalıq jantasıwdı engiziw maqsetinde «INNOWOMENWEEK» oylap tabıwshı hayal-qızlardıń innovaciya hápteligi respublikamızdıń bárshe joqarı oqıw orınlarında kóterinki ruwxta ótkerilgen edi.

Búgin Ózbekstan mámleketik kórkem óner hám mádeniyat institutı Nókis filialında «INNOWOMENWEEK» hápteliginıń juwmaqlawshı sıylıqlaw keshesi bolıp ótti.

Onda Qaraqalpaqstan Respublikası Ministrler Keńesi Baslıǵı orınbasarı Shańaraq hám hayal-qızlar komiteti baslıǵı M.Axmedova shıǵıp sóyledi hám ilaj sheńberindegi innovaciyalıq joybarlar búgingi kúnniń talabı ekenin aytıp ótti.

Sonday-aq, háptelikte belsene qatnasqan professor-oqıtıwshılar, hayal-qızlar máseleleri boyınsha baslanǵısh shólkem basshıları hám studentlerge sertifikatlar berildi.

Ilajda Filialımız Hayal-qızlar máseleleri boyınsha direktor másláhátshisi O.Qdırniyazovada Qaraqalpaqstan Respublikası Ministrler Keńesi tárepinen sıylıqlandı.

Ilaj Filial student jasları tárepinen shólkemlestirilgen konsert baǵdarlaması menen dawam etti.

ÓzMKÓMI Nókis filialı baspasóz xizmetı