Filialımız «Mádeniyat iskerligi» kafedrasınıń oqıtıwshısı Abatova Gulnaz Maksetbaevnanıń avtorlıǵında «Mádeniyat teoriyası» atamasındaǵı oqıw qollanba baspadan shıǵarıldı.

Bul miynet Ózbekstan Respublikası Joqarı bilimlendiriw sistemasındaǵı «Mádeniyat teoriyası» pániniń úlgi oqıw baǵdarlamasına tiykar tayarlanǵan bolıp, pánniń mazmunı, maqsetleri menen wazıypalarına sáykes túrde dúzilgen. Onda teoriyalıq mate6riallar menen bir qatarda, ámeliy shınıǵıwlar ushın usınıslar, soraw-juwaplar, test tapsırmaları hám usınıs etilgen ádebiyatlar dizimi de keltirilgen.
 
Qollanbada mádeniyat teoriyasınıń tiykarǵı túsinikleri, principleri hám áhmiyetli mashqalaları tereń úyrenilgen. Atap aytqanda, mádeniyattıń filosofiyalıq, socialogiyalıq, etikalıq hám estetikalıq tárepleri, sonday-aq, insan ómirindegi jáne jámiyet rawajlanıwındaǵı ornı hár tárepleme kórsetip berilgen. Sonıń ishinde, mádeniyat, ruwxıylıq, erkinlik sıyaqlı tiykarǵı qádriyatlar sistemasına analiz júrgiziledi.
 
Avtordıń bul miyneti mádeniyattanıw, sociologiya, filosofiya, tariyx, kórkem ońertanıw ham basqa da jámiyetlik-gumanatarlıq baǵdarlarda bilim alıp atırǵan studentler ushın isenimli teoriyalıq tiykar hám ilimiy-ámeliy kórsetpe wazıypasın atqaradı.
 
 Ch.Elmuratov