Elimizde sporttıń ǵalabalıǵına erisiw hám salamat turmıs tárizin en jaydırıw baǵdarında nátiyjeli jumıslar ámelge asırılıp kelinbekte. Bul baǵdarda Ózbekstan mámleketlik kórkem óner hám mádeniyat institutı Nókis filialında xızmetkerler arasında sporttıń stol tennisi, voleybol, futbol, basketbol, shaxmat-shashka túrlerinen jarıslar shólkemlestirilip kelinbekte.

Usı jıl 22-yanvar kúni Nókis qalası hákimligi, Mádeniyat ministrligi hám «Ózbekkoncert» mámleketlik mákemesi Qaraqalpaqstan Respublikası bólimi tárepinen Mádeniyat ministrligine qaraslı mákeme, shólkem xızmetkerleri arasında sporttıń mini futbol túri boyınsha «Hákim kubogi» shólkemlestirildi.

Jarıs óz ara qızǵın bellesiwlerge bay bolıp, onda Ózbekstan mámleketlik kórkem óner hám mádeniyat institutı Nókis filialı jámááti quramınan dúzilgen komanda aǵzaları belsene qatnastı.   

Filial baspasóz xızmeti.