Búgin Filialda jas ilimpazlar ushın ilimiy maqala jazıwda «ádebiyatlar, ilimiy dárekler menen islesiw procesi» temasında gezektegi teoriyalıq-ámeliy seminar shólkemlestirildi.

Onda direktor K.Yusupov shıǵıp sóylep, Respublikamızda ilim menen shuǵıllanıwshı jaslar ushın jaratılǵan sharayatlar, Prezidentimizdiń olardı qollap-quwatlaw baǵdarındaǵı reformalarınıń mazmun-mánisine toqtap ótti.

Ilaj Filialımız professor-oqıwtıshısı – Filologiya ilimleri boyınsha filosofiya doktorı (PhD), docent Fayzullaeva Sayatxan Uzakbaevna qatnasındaǵı teoriyalıq-ámeliy seminar menen dawam etti. Seminarda jas ilimpazlarǵa ilimiy-maqala jazıwǵa kirisiw hám onda ádebiyatlar menen islesiw procesindegi ámel etiw tiyis bolǵan kórgizbeli túrdegi bahalı kónlikpeler berildi.

Qızǵın pikirlesiw ruwxında bolıp ótken seminar dawamında jas ilimpazlar ilimiy dárejeli professor-oqıtıwshıdan ózlerin qızıqtırǵan basqa da sorawlarǵa juwap aldı.

Filial baspasóz xızmeti