2024-jıl fevral ayı «Jaslar arasında náshebentlik zatlardıń tarqalıwına qarsı gúres» aylıǵı dep belgilengen. Sol múnásibet penen búgin 2-fevral kúni Ózbekstan mámleketlik kórkem óner hám mádeniyat institutı Nókis filialı májilisler zalında ushırasıw bolıp ótti. Oǵan Ózbekstan Respublikası Ishki Isler Ministrligi jınaiyat qıdırıw deportamenti, jınaiyat qıdırıw baslıǵı orınbasarı A.Matlyubov, Ishki Isler Ministrligi jınaiyat qıdırıw xızmeti deportamenti juwapker qánigesi A.Raximov hám Qaraqalpaqstan Respublikası Ishki Isler Ministrligi operativ qıdırıw xızmeti jınaiyat qıdırıw bólimi baslıǵı orınbasarı N.Abdumaevlar qatnastı. Onda filial student-jasları arasında «Jaslar arasında náshebentlik zatlardıń tarqalıwına qarsı gúres» atamasında úgit-násiyat ilajın alıp bardı hám bul boyınsha kóplegen maǵlıwmatlardı aytıp ótti. Sonday-aq, náshebentlik hám jınaiyatshılıqtıń aqıbetleri boyınsha qısqa metrajlı filmler qoyıp berildi. Ilaj sońında student-jaslar ózlerin qızıqtırǵan sorawlarǵa juwap aldı.