Ózbekstan mámleketlik kórkem óner hám mádeniyat institutı Nókis filialında “Hújdan erkinligi, Jawızlıqqa qarsı aǵartıwshılıq,  kiyiniw mádeniyatı” atamalarında ushırasıw bolıp ótti.

Ilajdı filial direktorı A.Ayapov basqarıp bardı. Onda Qaraqalpaqstan Respublikası Ministrler Keńesi Baslıǵınıń orınbasarı      R.Saparbaev, Din isleri boyınsha komitetiniń Qaraqalpaqstan Respublikası aymaqlıq basqarmasınıń Hayal-qızlar máseleleri boyınsha qánigesi B.Ayımbetova hám Din isleri boyınsha komitetiniń Qaraqalpaqstan Respublikası aymaqlıq basqarmasınıń Nókis qalalıq din isleri boyınsha bas qánigesi Q.Nizamatovlar shıǵıp sóylep, búgingi jedel pátler menen rawajlanıp baratırǵan globallasıw dáwirinde keleshegimiz bolǵan jaslardıń tálim-tárbiyasına ayrıqsha itibar qaratıw, olardı ruwxıy jaqtan jetik hám Watansúyiwshilik ruwxında tárbiyalaw bárshemiz ushın teńdey wazıypa ekenligin ayrıqsha atap ótti.

Sonday-aq, ilajda jaslardı ǵalabalıq mádeniyattıń túrli tásirlerinen qorǵaw, kiyiniw mádeniyatına itibar qaratıw, terrorizm, ekstremizm sıyaqlı jámiyetimizge jat bolǵan illetlerden awlaq bolıwı, biypárwalıqqa jol qoymaw kerekligi boyınsha da toqtap ótildi.

 Jaslardıń sanasında boslıqtı payda etpew hám olardı sergeklikke shaqırıwda kóbirek nelerge áhmiyet qaratıw kerekligi boyınsha jaslar menen islesiw boyınsha dekan orınbasarları, tyutorlar  hámde hayal-qızlar máseleleri boyınsha dekan másláhátshilerine túsinikler berildi.

Ushırasıw sońında qantasıwshılar ózlerin qızıqtırǵan sorawları boyınsha qánigelerge múrájat etip, tiyisli juwap aldı.

Filial baspasóz xızmeti.