Ózbekstan mámlektlik kórkem óner hám mádeniyat institutı Nókis filialında «Jawızlıqqa qarsı aǵartıwshılıq» atamasında ushırasıw bolıp ótti.

Oǵan din uyımı wákilleri, Ózbekstan «VETERAN» jawınger Qaraqalpaqstan Respublikası bólimi aǵzaları hám student-jaslar qatnastı. Ilajdı Hayal-qızlar máseleleri boyınsha direktor másláhátshisi O.Qdırniyazova alıp bardı.

Onda Din isleri boyınsha Qaraqalpaqstan Respublikası aymaqlıq basqarması bas qánigeleri N.Jamalov ham Q.Nezamatov, Qaraqalpaqstan Respublikası ruwxıy-aǵartıwshılıq orayı Nókis qalası bólimi qánigesi I.Ametov, Ózbekstan «VETERAN» jawınger Qaraqalpaqstan Respublikası bólimi aǵzaları A.Seydametov hám Z.Sagindikovlar, sonday-aq, Qaraqalpaqstan Respublikası Musılmanlar qazıyatınıń Hayal-qızlar máseleleri boyınsha qazı járdemshisi T.Dosımbetovalar shıǵıp sóylep, xalqımızdıń milliy qádiriyatların hám mádeniy miyrasların saqlaw, en jaydırıw, áwlatdan-áwlatqa jetkeriw, dinimizge, jámiyetimizge jat bolǵan illetlerden awlaq bolıw kerekligi boyınsha túsinik berip ótti.

Ilajda atap ótilgenindey, bugingi kúnde jaslarımızdı ruwxıy jaqtan jetik, Watanǵa sadıq ruwxında tárbiyalaw hám olarda hár qıylı buzǵınshı ideyalarǵa qarsı immunitetti qáliplestiriw baslı wazıypalardan sanalıdı. Búgingi globallasıw dáwirinde insaniyatqa qáwip salıp turǵan jámiyetimizge jat bolǵan diniy ekstremizm, terrorizm sıyaqlı aǵımlardıń kúsheyiwine jol qoymaw, jaslardıń bunday illetlerden awlaq bolıw kerekkligi atap ótildi.

Bunday unamsız illetke qarsı immunitteti qáliplestiriwde kóbirek paydalı isler menen bánt bolıw, kitap oqıw kerekligi boyınsha ózleriniń bahalı pikirlerin bildirip ótti.

Ilaj sońında qatnasıwshılar ózleriniń qızıqtırǵan sorawları boyınsha qánigelerge múrájat etip, tiyisli juwap aldı.

Filmal baspasóz xızmeti.