Өзбекстан мәмлекетлик көркем өнер ҳәм мәденият институты Нөкис филиалы 2022-2023 окыў жылы ушын айрықша талант талап етилетуғын бакалавриат тәлим бағдарларына оқыўға қабыл етиўде абитуриентлерге кәсиплик (дөретиўшилик) имтиханлар даўам етпекте.

Абитуриентлердиң билим ҳәм көнликпелерин баҳалаў ушын тәжирийбели профессор-оқытыўшылар ҳәм қәнигелер бекитилген болып, абитурентлердиң дөретиўшилик имтихан таярлықлары әдәлатлы түрде баҳаланып барылмақта. Абитурентлердиң топлаған баллары қысқа ўақыттың өзинде филиал рәсмий веб-сайтында мәлим етилмекте.

Бүгин «Халық дөретиўшилиги Қосық ҳәм ойын» («сыртқы» өзбек топары) тәлим бағдары, сондай-ақ, «Актёрлық шеберлик (Қуўыршақ театр актёрлығы)» тәлим бағдарлары ушын дөретиўшилик имтихан болып өтпекте.

Дөретиўшилик имтиханлардың ашық-айдын ҳәм жәриялылық түрде болып өтиўи ушын имтихан өткерилетуғын аудиторияларға арнаўлы камералар орнатылған болып, интернет тармағындағы https://kamera.uzdsmi-nf.uz/ мәнзили арқалы туўрыдан-туўры бақлап барыўыңыз мүмкин. 

Филиал баспасөз хызмети.