Ózbekstan mámleketlik kórkem óner hám mádeniyat institutı Nókis filialında «27-iyun – Baspasóz hám ǵalaba xabar quralları xızmetkerleri kúni» aldınan taraw xızmetkerleriniń qatnasıwında ushırasıw keshesi shólkemlestirildi.

Ilajdı filial direktorı A.Ayapov kiris sóz benen ashtı hám tarawdıń dóretiwshi jámáát toparın kásiplik bayramı menen qızǵın qutlıqladı. Bunnan soń Qaraqalpakstan Respublikası Joqarǵı Keńesi Málimleme xızmeti baslıǵı A.Ajimuratov, «Qaraqalpaqtan sportı» gazetasınıń Bas redaktorı A.Abdievlar shıǵıp sóylep, elimizdiń social-ekonomikalıq tumısın rawajlandırıw baǵdarında júrgizilip atırǵan reformalar hám jańalanıwlar, sonday-aq, mádeniyat hám kórkem óner tarawındaǵı jańalıqlar hám taraw xızmetkeriniń dóretiwshiligin keńnen sáwlelendiriwde ǵalaba xabar quralları xızmetkerleriniń ornı ayrıqsha ekenligin atap ótti.

Ushırasıwda tarawda belsendilik kórsetip kiyatırǵan ǵalaba xabar quralları xızmetkerlerine «Húrmet jarlıq» hám bayram sawǵaları tapsırıldı. 

Óz gezeginde taraw xızmetkerleri kórsetilip atırǵan bunday itibar ushın filial jámáátine minnetdarshılıǵın bildirdi.

Filial baspasóz xızmeti.