Usı jıldıń 10-yanvar kúni Ózbekstan mámleketlik kórkem óner hám mádeniyat institutı Nókis fililalı «Rejessyor hám aktyor sheberligi» kafedrası oqtıwshısı M.Yusupbaev kinonıń kelip shıǵıw tariyxı hámde jaratılıp atırǵan jáhán filmleri haqqında keńnen túsinik berip ótti. 

Sonday-aq, ilajda student jaslarǵa belgili kinorejisser Shuxrat Abbazovtıń miynet jolı, dóretiwshilik jumısları hám «Sen jetim emessen», «Máhállede duw duw gap» hám basqada filmler haqqında maǵluwmatlar berildi. 

Ilaj dawamında Qaraqalpaq kinostudiyası tárepinen súwretke alınǵan filmler haqqında da óz ara pikir alıstı.