Usı jıldıń 22-aprel kúni Ózbekstan mámleketlik kórkem óner hám mádeniyat institutı Nókis filialında “Kitapqumarlıq hápteligi”niń juwmaqlawshı keshesi bolıp ótti.

Onda Jaslar máseleleri, ruwxıy aǵartıwshılıq isleri boyınsha direktor orınbasarı A.Ótepbergenov, “Mádeniyat hám kitapxana iskerligi” kafedrası baslıǵı G.Saparbaeva hám usı kafedra oqıtıwshıları D.Sharipova hám M.Qudaybergenovalar sózge shıǵıp, ósip kiytırǵan jas awladti bilimge qumar, hár tárepleme jetik insan etip tárbiyalawda kitaptıń ornı ayrıqsha ekenin atap ótti.

Ilajda filial student jasları hám MSHBMne qaraslı №22 sanlı balalar baqshası tárbiyalanıwshıları tárepinen jiynalǵanlarǵa koncert baǵdarlaması qoyıp berildi.

Ilaj dawamında “Kitapxana xabar iskerligi” tálim baǵdarı 1-kurs studentleri tárepinen soraw-juwap viktorina oyınları shólkemlestirildi hám ilaj sheńberindegi “Zakovat intellektual oyın”ınıń jeńipazları “Kórkem ónertanıw fakulteti” hám filial Jaslar awqamı tárepinen estelik sawǵaları menen siylıqlandı. Sonda-aq, MSHBMne qaraslı №22 sanlı balalar baqshası tárbiyashılarına filial tárepinen “Alǵısnamalar” tapsırıldı.

ÓzMKÓMI Nókis filialı baspasóz xizmetı