Ózbekstan mámleketlik kórkem óner hám mádeniyat institutı Nókis filialı “Social-gumanitar pánler” kafedrası hám “Huquqıy mádeniyat” dógerek aǵzaları menen birgelikte Ózbekstan Respublikasınıń Konsetituciyası qabıl etilgenine 29 jıl tolıw múnásibeti menen «Konstituciyada – jaslardıń huquq hám erkinlikleriniń támiynleniwi» atamasında ushrasıw keshesi shólkemlestirildi.

Dáslep Ózbekstan hám Qaraqalpaqstan Respublikalarınıń mámleketlik gimnleri jańladı.

Ilajdı “Kórkem ónertanıw” fakulteti dekanı G.Xodjametova ashıp berdi hám jiynalǵanlardı bayram menen qızǵın qutlıqladı. Onda Qaraqalpaqstan Respublikası “Zorlıq hám qısım astında qalǵan shaxıslardı reabilitaciya etiw” orayınıń yuristi B.Arziyeva hám ÓzLiDeP Qaraqalpaqstan Respublikası aymaqlıq partiya shólkemi Hayallar qanatı bólim baslıǵı E.Bekimbetovalar sózge shıǵıp, tiykarǵı nizamımız bolǵan Konstituciyanıń áhmiyeti hám onda belgilengen normalardıń mazmun-mánisi haqqında maǵlıwmat berip ótti.

Ilaj sońında “Huquqıy mádeniyat” dógerek aǵzaları tárepinen shólkemlestirilgen “Konstituciya – meniń ómirimde” atamasındaǵı “Eń jaqsı video rolik hám referat” tańlawı jeńipazlarına húrmet jarlıǵı hám estelik sawǵaları tapsırıldı.

ÓzMKÓMI Nókis filialı baspasóz xızmeti