Ózbekstan Ekologiyalıq partiyası Nókis qala Keńesi tárepinen Ózbekstan mámleket kórkem óner hám mádeniyat institutı Nókis filialında 8-dekabr  Ózbekstan Respublikası Konstituciyası qabıl etilgen kúnine 31 jıl tolıwı munasábeti menen «Konstituciya — xalqshıl mámleket, turaqlı rawajlanıw hám jetkilikli turmıs tiykarı» temasında seminar ótkerildi. Ol jaǵdayda partiya baslıǵı A.Ismaylova hám filialdıń Jaslar jetekshisi J.Berdimuratovlar jańalanǵan Konstituciyadaǵı ekologiya hám átirap -ortalıq qáwipsizligi, ekologiyalıq qawipsizlik, tábiyǵıy baylıqlarǵa ekanomikalıq munasábet hám nızam aldında juwapkerlik, Aralboyı regionınıń ekologiyalıq jaǵdayın jaqsılaw, sonıń menen birge, jaslardıń jeke, social, ekonomikalıq huqıqlar menen bir qatarda, ekologiyalıq huqıqlarǵa iyeligi haqqında belgilengen elementler haqqında tolıq túsintirip berdi. Soraw-juwaplar ótkerilip, aktiv qatnasqanlar partiya tárepinen alǵısnama menen sıylıqlandı.