Быйыл Өзбекистан Республикасы Конституциясының қабыл етилгенине 30 жыл толды. Сәне мүнәсибети менен Өзбекистан мәмлекетлик көркем өнер ҳәм мәденият институты Нөкис филиалында Конституция – мениң өмиримде атамасында ушырасыў шөлкемлестирилди. Оған суд уйымы хызметкерлери ҳәм студент-жаслар қатнасты. Илажды Көркем өнертаныў факультети деканының Жаслар менен ислесиў бойынша орынбасары Д.Отарбаев кирис сөз бенен ашып берди ҳәм басқарып барды.
Дәслеп, Өзбекстан ҳәм Қарақалпақстан Республикаларының мәмлекетлик гимнлери жаңлады.
Буннан соң, Жынаят ислери бойынша Нөкис қаласы суды қәнигеси У.Давлетов, «Социал гуманитар пәнлер» кафедрасы баслығы Л.Уразова, усы кафедраның окытыўшысы А.Утепбергенова ҳәм Филиал профилактика инспекторы Н.Еримбетовлар шығып сөйлеп, Конституция мәмлекетимиздиң тийкарғы нызамы болып, инсан мәплери, оның ҳуқықлары, еркинликлери, ар-намысы ҳәм қәдир қымбатын тәмийинлеўши ең әҳмийетли ҳуқықый ҳүжжет екенлиги ҳаққында мағлыўмат берип өтти.
Атап өтилгениндей, Конституция елимиз пуқараларының ерк-ықрарын өзинде сәўлелендириўши, инсан ҳуқық ҳәм еркинликлерин тәмийинлеўши, мәмлекетлик ҳәкимият уйымларының хызметин тәртипке салыўшы ҳәм жумыс алып барыў принциплерин белгилеўши ең жоқары юридикалық күшке ийе болған Бас нызам есапланады.
Илаж соңында “Конституция – мениң өмиримде” атамасындағы “Ең жақсы видео ролик” “Ең жақсы реферат”, “Ең жақсы шығарма” таңлаўы жеңипазларын сыйлықыаў мәресими болып өтти. “Ең жақсы видео ролик” таңлаўы жеңымпазы Саҳна ҳәм экран көркем өнери драматургиясы қәнигелиги 3-курс студенти Нозима Улуғува биринши, Телевидеине ҳәм сес режиссёрлығы қәнигелиги 1-курс студенти Жуманазар Жураев екинши ҳәм Мәденият ҳәм көркем өнер мәкемелерин шөклемлестириў ҳәм басқарыў қәнигелиги 1-курс студенти Шоҳиста Реймбаева үшинши орын жеңимпазы болды.
“Ең жақсы реферат” таңлаўы бойынша Китапхана ҳәм хабар искерлиги қәнийгели 3-курс студенти Жансая Алмасова ҳәм Айхан Мәмбетова, сондай-ақ, Музыкалы театр актёрлығы қәнигелиги 1-курс студенти ГулжазираМаткаримовалар жеңимпаз деп табылды.
“Ең жақсы шығарма” номиаcиясы бойынша Китапхана ҳәм хабар искерлиги 1-курс өзбек топарынан Маҳигул Розимова, Китапхана ҳәм хабар искерлиги қәнигелиги 1-курс студенти Света Даўлетмуратова, Мәденият ҳәм көркем өнер мәкемелерин шөклемлестириў ҳәм басқарыў қәнигелиги 1-курс студенти Гулчехра Жалғасовалар жеңимпаз деп табылды.
Филиал баспасөз хызмети
