Kafedra tarixi
Filial 2008-jılda shólkemlesken bolıp, ol tiykarınan «Social -gumanitar, aktyorlıq kórkem óneri hám kórkem ónertanıwshılıq» kafedrası 2014 jılǵa shekem iskerlik júrgizip kelgen. 2014/2015 oqıw jılında filial kontingentin esapqa alǵan halda «Rejissyorlik hám aktyorlıq sheberligi» hám «Social -gumanitar hám kórkem ónertanıw» kafedrası bolıp ekige bólinedi. «Social -gumanitar hám kórkem ónertanıw» kafedrası tiykarınan «Mádeniyat hám kórkem óner mákemelerin shólkemlestiriw hám de basqarıw» hám «Texnogen kórkem óneri: kino, televidenie hám radio dawıs rejissyorlıǵı» qániygeliklerin óz ishine qamtıp alǵan edi.
2019 jıl 1 maydan baslap filialımızda «Xalıq dóretiwshiligi mádeniyat hám kitapxana iskerligi» kafedrası dúzildi. 2020 jıl bul kafedra quramınan “Mádeniyat hám kitapxana -xabar iskerligi” kafedradası dúzildi.
2020 jıl bul kafedra quramınan “Mádeniyat hám kitapxana — iskerligi” kafedradası dúzildi. Kafedrada eki qánigelik, “Mádeniyat hám kórkem óner mákemelerin shólkemlestiriw hám basqarıw” hám “Kitapxana -informaciya iskerligi” tálim baǵdarları boldı. 2023 jılı 9- oktiyabrden baslap Mádeniyat iskerligi kafedrası bolıp qayta shólkemlestirildi.
Kafedranıń professor – oqıtıwshılarınıń quramı:
- Saparbaeva Gulshira professor
- Turdiev Qalbay docent
- Eshbaeva Gulbaxar docent .
- Yusupov Quwanıshbay docent. PhD
- Turdiev Baxtiyar oqıtıwshı PhD
- Bektursınova Gulmira oqıtıwshı PhD
- Urazbaev Islam aǵa oqıtıwshı
- Madreymova Nasiba oqıtıwshı
- Abatova Gulnaz oqıtıwshı
- Umirova Gulziyxan oqıtıwshı
Kafedranıń ilimiy potencialın kóteriw ushın alıp izertlewler jumısların alıp barıp atırǵan professor –oqıtıwshılarınıń ilimiy jumısları temaları :
1.Gulshira Saparbaeva “Qaraqalpaqstanda mádeniyat oraylarınıń qáliplesiwi jáne onıń jaslardı ruwxıy — estetik tárepten tárbiyalawdaǵı ornı”
- Gulbaxar Eshbaeva “Házirgi basqıshta qaraqalpaq xalıq muzıkası”
- Urazbaev Islam “Yangi ma’naviy muxitni yaratishda Qoraqalpoq milliy qadriyatining o’rni”
- Madreymova Nasiba “Qoraqalpoq milliy madaniyatidagi transformaciyon jarayonlar va ularning aholi ma’naviy ehtiyojlarini shakllantirishdagi ahamiyati”
- Abatova Gulnaz “Qoraqalpoq xalq madaniyatida ananaviylik va zamonaviylik” ilimiy temaları boyınsha jumıslar alıp barmaqta.
Sırt mámleketler menen birge islesiw:
Kafedra professor oqıtıwshısı G. Saparbaeva 2020 jılı 4-11 yanvarda Ullı Britaniyanıń London qalasındaǵı “Goldsmith” universitetinde professorlar Sean Prime hám Adrian de La Court menen “Mádeniyat hám kórkem óner salasında kreativ isbilermenlik tiykarlari” modulın islep shıǵıw processinde seminar -trening hám 2020 jılı 3-4 fevralda Tashkent qalasında ótkerilgen “Ózbekstan Joqarı tálim sistemasında dóretiwshilik isbilermenlikke oqıtıw integraciyasi” xalıq aralıq forumına qatnastı. Ózbekstan mámleketlik mádeniyat hám kórkem óner institutı tárepinen 2020 jıl 29 – fevral kúni “Kreativ spark: Joqarı tálim programması” xalıq aralıq joybarı boyınsha “Mádeniyat hám kórkem óner salasında kreativ (dóretiwshilik) isbilermenlik iskerligine oqıtıwdıń aktual máseleleri” Ózbekstan Ullı Britaniya Keńesi, “Qumay partners” kompaniya wákilleri menen birgeliktegi ámeliy seminarǵa qatnastı. 2020 jıl 19 fevralda “Qaraqalpaqstan” telekanalı “Assalawma Aleykum Qaraqalpaqstan” kórsetiwinde aǵa oqıtıwshı A. Bekjanova hám “Mádeniyat hám kitapxana iskerligi” kafedrası baslıǵı G. Saparbaeva “ Kreativ Spark” joybarı boyınsha óz maǵlıwmatları menen qatnastı. ÓzMKÓMI “Mádeniyat hám kórkem óner mákemelerin shólkemlestiriw hám basqarıw” kafedrası Ózbekstandaǵı Ullı Britaniya Keńesi “Xumo partners” kompaniyası wákilleri menen birgeliktegi “Kreativ Spark: Joqarı tálim programması” xalıq aralıq joybarı aǵzası hám shólkemlestiriwshisi retinde G. Saparbaeva qatnasıp kelmekte.
Kafedra baslıǵı G. Saparbaeva 2021 jılı dekabr ayında Muxtar Áwezov atındaǵı Qubla Qazaqaqstan Universitetinde birge islesiw boyınsha sheberlik sabaǵın ótip keldi. 2022 — jılı may ayında Muxtar Áwezov atındaǵı Qubla Qazaqaqstan Universiteti Óner kafedrası baslıǵı, PhD Altınay Qadıralieva hám aǵa oqıtıwshı Gawhar Nasanovalar kafedra qánigelikleri ushın sheberlik sabaǵın ótti.
Kafedra baslıǵı G. Saparbaeva 2023 — jılı 18-22 noyabr kúnleri Muxtar Áwezov atındaǵı Qubla Qazaqaqstan Universitetinde xalıq aralıq birge islesiw boyınsha tájriybe almasıwda boldı hám qánigelik pánler boyınsha sheberlik sabaǵın ótip keldi.
2025-jıl 26-30-aprel kúnleri Muxtar Avezov atındaǵı Qubla Qazaqstan Universiteti tárepinen shólkemlestirilgen V «Zamanagoy bilim beriw: sın- pikirler, trendler menen strategiyalar» jańa pedagoglardıń V Xalıqaralıq forwmına Mádeniyat iskerligi kafedrası baslıǵı, docent G.Saparbaeva, assistent oqıtıwshı G.Abatova, «Mádeniyattanıwshılıq» jónelisi 1-kurs magistrantı B.Seydullaeva, «Mádeniyat hám kórkem óner mákemelerin shólkemlestiriw hám basqarıw» qánignligi 2-kurs studenti A.Sabırbaevalar qatnastı.
2025-jıldıń may, oktyabr, noyabr aylarında Ózbekstan mámleketlik kórkem óner hám mádeniyat institutı Nókis filalı “Mádeniyat iskerligi” kafedrası Qaraqalpaqstan Respublikası Mádeniyat ministrligi menen birgelikte Tórtkúl rayonı O.Xudayshukurov atındaǵı 52-sanlı, №1 sanlı Mádeniyat oraylarında Qaraqalpaqstan Respublikası qala hám rayonlardaǵı Mádeniyat orayları xızmetkerleriniń kásiplik sheberligin asırıw maqsetinde seminar trening ótkerildi.
Xalqımızda miyrim-shápáát, qayır-saqawat hám jaqsılıq sıyaqlı qádiriyatlar ázelden ulıǵlanıp kelinedi.Usınday qádiriyatlardı jaslarımız sanasına sińdirip barıw maqsetinde “Mádeniyat iskerligi” kafedrası professor-oqıtıwshıları hám student-jasları Nókis “Miriwbet” hayallar internat úyine barıp ol jerde tárbiyalanıwshılardıń jaǵdaylarınan xabar alıp koncert baǵdarlamasın kórsetti.
2025-jıldıń 21-23-oktyabr kúnleri Ózbekstan mámleketlik kórkem óner hám mádeniyat institutı “Mádeniyat hám kórkem óner menedjmenti” kafedrası baslıǵı, Kórkem ónertanıw ilimleri boyınsha filosofiya doktorı (PhD), docent Sayfullo Ikromov “Mádeniyat hám kórkem óner mákemelerin shólkemlestiriw hám basqarıw” qánigeligi 1-3-kurs studentlerine “Mádeniyat hám kórkem óner mákemeleri iskerligin basqarıw” páninen sheberlik sabaǵın ótti.
2025-jıl oktyabr ayında Turkiya mámleketi Alaniya qalasında “Türkiye-Özbekistan Bilimsel Konferansı” atamasında xalıqaralıq konferensiyaǵa kafedranıń assitent-oqıtıwshıları B.Majitova hám B.Seydullaevalar ilimiy maqalaları menen qatnasıp keldi. Jaqsı nátiyjeler kórsetip qayttı.
Bakalavriat tálim baǵdarları dizimi:
- 60211800 — Mádeniyattanıwshılıq (kúndizgi hám sırtqı)
- 60212000 — Mádeniyat hám kórkem óner mákemelerin shólkemlestiriw hám basqarıw (kúndizgi hám sırtqı)
Magistratura tálim baǵdarları dizimi:
- 70211801 — Mádeniyat hám kórkem óner tarawı menejmenti(ózbek hám qaraqalpaq)
- 70211802 — Mádeniyattanıwshılıq(ózbek hám qaraqalpaq)
Kafedrada professor-оqıtıwshılar tárepinen “Mádeniyattanıwshılıq” hám “Mádeniyat hám kórkem óner mákemelerin shólkemlestiriw hámde basqarıw” 2 qánigelik kúndizgi hám sırtqı tálim jónelisleri studentleri ushın 14 pánnen sabaq ótiledi.
Pánler:
- Mádeniyattanıwshılıq;
- Mádeniy iskerlikti shólkemlestiriw hám basqarıw;
- Mádeniy ilajlardı shólkemlestiriw;
- Mádeniyat teoriyası;
- Mádeniyattanıwshılıqtıń zamanagóy mashqalaları;
- Xalıqaralıq mádeniy baylanıslar;
- Qaraqalpaq xalqınıń materiayllıq hám ruwxıy mádeniyatı;
- Mádeniyat hám kórkem óner tarawı iskerligin basqarıw;
- Scenariynavislik hám mádeniy ǵalabalıq ilajlardı shólkemlestiriw;
- Mádeniyat hám kórkem óner tarawında marketing;
- Mádeniyat hám kórkem óner tarawı ekonomikası hám finanslıq múnásebetler;
- Ózbekstan materiyallıq hám materiyallıq emes mádeniy myrası;
- Mádeniyat hám kórkem óner tarawında kretiv isbilermenlik.
- Mádeniyat orayları isi
Kafedrada professor-оqıtıwshılar tárepinen “Mádeniyattanıwshılıq” hám “Mádeniyat hám kórkem óner menejmenti” magistr qánigeligi tálim jónelisleri ushın 13 pánnen sabaq beriledi.
Pánler:
- Mádeniy dem alıwdı shólkemlestiriwdiń ilimiy tiykarları;
- Kreativ ekonomika;
- Dóretiwshilik mákemeleri iskerligin rejelestiriw, shólkemlestiriw hám basqarıw;
- Basqarıw sociologiyası;
- Ǵalabalıq ilajlar menenjmenti;
- Mádeniyat hám kórkem óner tarawında innovaciyalıq menenjment;
- Mádeniyat teoriyası;
- Mádeniyattıń milletleraralıq hám ulıwmainsanıylıq mashqalaları;
- Milliy qádiriyatlar hám transformaciyalıq processler;
- Xalıqtıń sociallıq mádeniyatın joqarılatıw tiykarları;
- Mádeniyat pedagogikası;
- Ózbek milliy mádeniyatınıń rawajlanıw ózgeshelikleri.
Kafedranıń ilimiy jumısları:
2- Sabaqlıq;
6- Oqıw qollanba
1-Metodikalıq qollanba
Kafedranıń kárxana hám shólkemler menen baylanısları :
-Kafedra qánige tayarlaw jumısların jaqsılaw ushın respublikamızdıń
Nókis qalalıq №2 sanlı Mádeniyat orayında Mádeniyat iskerligi kafedrasınıń filialın ashıp, jaslarǵa ilimiy-ámeliy bilim beriwde dual tálim sisteması boyınsha iskerlik alıp baradı.
-Birge islesiw jumıslaı tómendegi mákemeler menen ámelge asırıladı.
- mádeniyat hám kórkem óner mákemeleri;
- muzeyler;
- mádeniyat orayları;
- mádeniyat hám dem alıw baǵları hám basqa shólkemler menen sheriklik shártnamaları tiykarında jumıs alıp barıp atır.
2022-jıl 20-may kúni Jańa Ózbekstanda tálim-tárbiya, mádeniyat hám ruwxıylıq sistemasın rawajlandırıw wazıypaları atamasında Respublikalıq ilimiy-ámeliy konferenciya ótkerildi.
Kafedra ilimiy iskerligi
- Kafedra professor oqıtıwshılar tárepinen VAK dizimindegi ilimiy jurnallarda baspadan shıǵarılǵan ilimiy maqalalar- 25
- Kafedra professor oqıtıwshılar tárepinen xalıq aralıq ilimiy konferenciyalarda baspadan shıǵarılǵan tezisler — 24
- Kafedra professor oqıtıwshılar tárepinen Respublikalıq ilimiy konferenciyalarda baspadan shıǵarılǵan tezisler -31
