2024-2025-oqıw jılı ushın mámleketimizdegi barlıq joqarı oqıw orınlarında ayrıqsha talant talap etiletuǵın bakalavriat tálim baǵdarlarına oqıwǵa qabıl etiwde abiturientlerge kásiplik (dóretiwshilik) imtixanlar ótkeriliwi belgilengen. Solar qatarı Ózbekstan mámleketlik kórkem óner hám mádeniyat institutı Nókis filialında da ayrıqsha talant talap etiletuǵın bakalavriat tálim baǵdarlarına hújjet tapsırǵan abiturientlerge kásiplik (dóretiwshilik) imtixanlar bolıp ótpekte.

Dóretiwshilik imtixanlardıń ashıq-aydın hám ádillik principi tiykarında ótiwin támiyinlew maqsetinde Qaraqalpaqstan Respublikası Mádeniyat ministri Begisbay Temirbaev Ózbekstan mámleketlik kórkem óner hám mádeniyat institutı Nókis filialında boldı.

B.Temirbaev 2024-2025-oqıw jılı ushın qabıllaw procesinde filialda ótkerilip atırǵan dóretiwshilik imtixanlardıń barısı, sonday-aq, dóretiwshilik imtixanlardı onlayn rejimde tikkeley baqlap barıwda arnawlı kameralardıń ornatılǵanlıǵın kózden keshirdi.

Filial baspasóz xızmeti.