1992-jıl 14-dekabr kúni Qaraqalpaqstan Respublikası Joqarǵı Keńesiniń XI sessiyasında «Qaraqalpaqstan Respublikasınıń mámleketlik bayraǵı haqqında»ǵı Nızam qabıl etildi. Bıyıl Nızamnıń qabıl etilgenine 32 jıl toldı.

Sáne múnásibeti menen Ózbekstan mámleketlik kórkem óner hám mádeniyat institutı Nókis filialında «Millet bayraǵım – maqtanıshım!» súreni astında bayram ilajı shólkemlestirildi.

Dáslep, Ózbekstan hám Qaraqalpaqstan Respublikalarınıń mámleketlik gimnleri jańladı.

Bunnan soń filial direktorınıń Jaslar máseleleri hám ruwxıy aǵartıwshılıq isleri boyınsha orınbasarı A.Otepbergenov hám basqalar shıǵıp sóylep, mámleketimiz nıshanları, sonıń ishinde, bayraqtıń áhmiyetine ayrıqsha toqtap ótti.