Neshshe mıń ásirlik tariyxqa iye eksponatlardı ózinde jámlegen Ámet hám Ayımxan Shamuratovlar úy muzeyi derlik hár kúni jaslar menen tolı.

Qaraqalpaq xalqınıń eki birdey ullı tulǵaları esaplanǵan Ámet hám Ayımxan Shamuratovlar úy muzeyin tamashalawǵa búgin Ózbekstan mámleketlik kórkem óner hám mádeniyat institutı Nókis filialı “Xalıq dóretiwshiligi” fakulteti dekan orınbasarı G.Sharipova “Xalıq dóretiwshiligi” kafedrası G.Axımbetova basshılıǵında, “Qosıq hám oyın” tálim baǵdarı 1-kurs studentleri sayaxatta boldı.

Student-jaslarǵa dáslep muzey xızmetkeri tárepinen arnawlı ekskursiya ótildi. Bunda saqlanıp turǵan baxalı eksponatlar, qaraqalpaq ádebiyatı, mádeniyatı, kórkem óneriniń qáliplesiw tariyxı, ondaǵı pidayi xızmet etken insanlardıń ómiri hám dóretiwshiligi menen student-jaslar jaqınnan tanıstı.

Sayaxat juwmaǵında úy muzeyi tárepinen studentler arasında “Zakovat” intellektual oyını ótkerilip, studentler óz bilimlerin jáne bir márte sınaqdan ótkerdi. Sayaxat judá mazmunlı, kewilli bolıp onda student-jaslar ruwxıy azıq alıp qaytt.