Ózbekstan mámleket kórkem óner hám mádeniyat institutı Nókis filialı majilisler zalında “Nadanlıqǵa qarsı bilim” atamasında ilaj ótkerildi. Onda Hayal-qızlar máseleleri boyınsha direktor máslahátshisi O.Qıdırniyazova basshılıǵında  Dinge sıyınıw jumısları boyınsha komitettiń Qaraqalpaqstan Respublikası aymaqlıq basqarmasınıń Nókis qala bas qánigesi X.Nezamatdinov, Respublika Mánáwyat orayı Lektori Q.Mambetov, Nókis qala “Muxammad baqiy iyshan” meshiti imam-xatibi Sh.Xudaybergenov hám Qaraqalpaqstan Respublikası IIV terrorizmge qarsı gúres jetekshi qánigesi S.Tanabergenovlar miymanda boldı.

Sonday-aq, student-jaslar arasında jaslardı jat ideyalar tásirinen qorǵaw, mámleket tálim mákemeleri studentlerdiń kiyiniw mádeniyatı hám tártip-intizamǵa ámel qılıw kónlikpelerin bekkemlew, ideologiyalıq táhlidlerge qarsı gúresiwdiń aktual baǵdarları hám de hayal-qızlardıń unamsız ideyalar tásirine túsip qalıwınıń aldın alıw hám usıǵan uqsas kóplegen máseleler turalı keńnen túsinik berip ótti.