Usı jıldıń 3-10-yanvar kúnleri aralıǵında Ózbekstan mámleketlik kórkem óner hám mádeniyat institutı Nókis filialı «Xalıq dóretiwshiligi, mádeniyat hám kitapxana iskerligi» kafedrasınıń aǵa oqıtıwshısı Gúlshira Saparbaeva Ullı Britaniyanıń «Goldsmitsh» universitetinde ótkerilgen «Kreativ Spark» atamasındaǵı joybarda qatnası.

Joybardıń tiykarǵı maqseti – isbilermenlik tarawın sırt el tájiriybeleri tiykarında rawajlandırıw bolıp tabıladı, – deydi G. Saparbaeva. – Bul joybarǵa elimizden túrli taraw wákilleri qatnastı. Ilaj qatnasıwshılarına qánigeler tárepinen «Kreativ isbilermenlik tiykarları» boyınsha modul’ islep shıǵıw, sonday-aq, onıń dúzilisi hám mazmunı boyınsha túsinik berildi…

Álbette, bul joybar sheńberindegi ilajlar elimizde isbilermenlik tarawın rawajlandırıwda óziniń úlesin tiygizedi dep oylaymız.