Ózbekstan mámleketlik kórkem óner hám mádeniyat institutı Nókis filialında huqıq qorǵaw uyımı xızmetkerleri hám basqa da tiyisli shólkem xızmetkerleriniń qatnasıwında «Jaslar arasındaǵı náshebentlik zatlardıń tarqalıwına qarsı gúresiw» atamasında profilaktika aylıǵı sheńberinde ushırasıw bolıp ótkenligi haqqında xabar bergen edik.

Ilaj dawamında Ózbekstan Respublikası Ishki isler ministrligi jınayat qıdırıw  bas basqarması bólim baslıǵı, podpolkovnik A.Matlyubov hám usı basqarmanıń xızmetkeri podpolkovnik F.Azgarov hám Jaslar  máseleleri hám  ruwxıy-aǵartıwshılıq isleri boyınsha direktor orınbasarı A.Ótepbergenovlar ótkerilgen onlayn ushırasıwda óz úyinde ata-anası menen aralıqtan qatnasıp atırǵan vokal atqarıwshılıǵı tálim baǵdarı 1-kurs studenti Murat Genjebaevtıń shańaraǵında bolıp, ilajǵa belsene qatnasqanlıǵı ushın minnetdarshılıq bildirdi. Bos waqıtların mazmunlı ótkeriwde kóbirek ádebiy kitaplar oqıw, sport penen shuǵıllanıw kerekligin túsindirdi. Sonday-aq, taraw xızmetkerleri Muratbaydıń qolǵa kirgizgen tabısları menen jaqınnan tanısıp, aldaǵı waqıtları bunnan da joqarı jetiskenliklerge erisiwine tilekleslik bildirdi.

Filial baspasóz xızmeti.