Búgin 12-noyabr kúni Ózbekstan mámleketlik kórkem óner hám mádeniyat institutı Nókis filialında «Studentler qáwipsizligi» kúni sheńberinde bolıp ótken ushırasıwda Qaraqalpaqstan Respublikası IIM jınayat qıdırıw basqarması aǵa operativ wákilleri R.Kallibekov, A.Smaylov, instituttıń profilaktika inspektorı N.Erimbetov hám student-jaslar qatnastı.

 Ashıq baylanıs formasında ótkerilgen sáwbette juwapker xızmetker tárepinen psixotrop elementlerdıń insan salamatlıǵı hám sociallıq ómirge tásiri, onı tutınıw qılıw, satıw hám satıp alıwdıń ashınarlı aqıbetleri túsintirildi. Unamsız illetlerdiń aldın alıwda innovaciyalıq joybarlar hám jaslar menen bul jóneliste individual islewdiń aktual wazıypaları tuwrısında da túsinikler alıp bardı.

 Sonıń menen birge, jaslar arasında náshebentlik hám psixotrop elementlerge qarsı gúresiwdiń nátiyjeli jolları hám onıń jolına túsip qalmaw ushın qatar usınıslar berip ótildi.

 Ushırasıw sońında studentler ózleriniń qızıqtırǵan sorawlarına tolıq juwap aldı.

Filial baspasóz xızmeti

Ámeliyatshı A.Nurlıbaev