Bársheńizdiń xabarıńız bar usı jıl 5-iyun sánesinen baslap joqarı oqıw orınlarına abiturientlerdi qabıllaw baslandı. Qabıllaw processleri 25-iyunǵa shekem bolıp ótedi.

Búgin Ózbekstan mámleketlik kórkem óner hám mádeniyat institutı Nókis filialı direktorı K.Yusupov basshılıǵında «2026-2027-oqıw jılı ushın qabıllaw procesin joqarı dárejede shólkemlestiriw máselelerine baǵıshlanǵan májilis bolıp ótti. Oǵan filial administraciya xızmetkerleri, bólim baslıqlar, fakultet dekanları, kafedra baslıqları hám Qabıllaw komissiyası juwapker xızmetkerleri qatnastı. 

Májiliste 2026-2027-oqıw jılı qabıllaw processlerin sapalı shólkemlestiriw, qabıllaw mapazında korrupciya menen baylanıslı bolǵan háreketlerdi boldırmaw, abiturientler hám olardıń ata-anaları ushın barlıq qolaylı sharayatlardı jaratıw, Call-centr orayı telefon nomerleriniń turaqlı iselwin támiyinlew máseleleri atap ótildi.

Ilajda bunnan basqa da 2025-2026 oqıw jılı pitkeriwshileriniń diplom qorǵaw hám Mámmleketlik attestaciya jumıslarınıń nátiyjeleri dodalandı.  Májilis sońında joqarıda atap ótilgen máselelerden kelip shıǵıp, isleniwi tiyis wazıypalar belgilenip alındı.

Filial baspasóz xızmeti.