Ózbekstan Respublikası Joqarı bilimlendiriw, ilim hám innovaciyalar ministrligi tárepinen belgilep berilgen rejege tiykar 2024-jıl 16-aprel kúni Ózbekstan mámleketlik kórkem óner hám mádeniyat institutı Nókis filialında «Qaraqalpaq kórkem óneri dóretiwshileriniń sheberliklerin úyreniw» atamasındaǵı Respublikalıq ilimiy-ámeliy konferenciya bolıp ótti. Ilajǵa respublikamızǵa belgili kórkem óner hám mádeniyat tarawınıń wákilleri, bilimlendiriw tarawı xızmetkerelri, professor-oqıtıwshılar, jas izleniwshiler, magistrantlar hám student-jaslar qatnastı. Hár bir millettiń milliy ózligin ańlatıwshı úrp-ádet dástúrleri, tili, mádeniyatı, kórkem óneri hám áwladtan-áwladqa miyras bolıp kiyatırǵan xalıq awız eki dóretpeleri sol xalıqtıń biybaha milliy qádiriyatları sanaladı. Sol sıyaqlı Qaraqalpaq xalqıda óziniń úrp-ádet dástúrleri, tili, bay mádeniyatı hám ózine tán kórkem óneri menen basqa xalıqlardan ajıralıp turadı. Búgingi konferenciyamızdıń atamasıda «Qaraqalpaq kórkem óneri dóretiwshileriniń sheberliklerin úyreniw» máselesi dep atalıp, konferenciya sheńberinde elimizde mádeniyat hám kórkem óner tarawına qaratılıp atırǵan itibar, taraw xızmetkerlerin qollap-quwatlaw, olarǵa múnásip sharayatlar jaratıw baǵdarındaǵı ámeliy jumıslar ilimiy kóz qarastan talqılanıp, aldaǵı waqıtları tarawdı ele de rawajlandırıwda jańasha kóz qaraslardı payda etiwde xızmet etedi dep oylaymız. Sonı ayrıqsha atap ótiwimiz tiyis, tarawǵa qaratılıp atırǵan itabardıń nátiyjesinde mine úsh jıldan berli 15-aprel sánesin mádeniyat hám kórkem óner tarawı xızmetkerleri ózleriniń kásiplik bayramı sıpatında keń belgilep kelmekte.  Ótkerilgen ilaj sońında filial student-jasları tárepinen tayarlanǵan koncert baǵdarlaması menen juwmaqlandı.