Usı jıldıń 18-22-noyabr kúnleri aralıǵında Xoja Axmet Yassawiy atındaǵı Qazaq-Túrk Xalıqaralıq universitetiniń «Orındawshılıq óneri» kafedrası professorı, filologiya ilimleriniń doktorı Qońıratbay Tınısbek, usı kafedranıń aǵa oqıtıwshıları, Qazaqstan Respublikasi Mádeniyat ǵayratkeri Botaqaraev Alımbay hám Qazaqstan Respublikasi Mádeniyat tarawı aǵlası Kuletova Ulbosın xalıqaralıq akademiyalıq tájireybe almasıw sheńberinde filialımızda miyman bolmaqta.

Dáslep miymanlardı filial direktorı A.Ayapov kútip aldı hám ushırasıwda ilim-bilimlendiriwdi rawajlandırıwda xalıqaralıq tájiriybelerdiń áhmiyeti atap ótildi. 

Bul xızmet saparı Ózbekstan mámleketlik kórkem óner hám mádeniyat institutı Nókis filialı hám Xoja Axmet Yassawiy atındaǵı Qazaq-Túrk Xalıqaralıq universiteti ortasında 2021-jılı dúzilgen birge islesiw shártnaması tiykarında ámelge asırılıp atırǵan bolıp, hár jılı professor-oqıtıwshılar hám studentlerdi akademiyalıq almasıw baǵdarlaması sheńberinde qazaqstanlı tájiriybeli professor-oqıtıwshılar filial studentlerine sabaq ótip kelmekte.

Maǵlıwmat ornında sonı aytıp ótiwimiz tiyis, Xoja Axmet Yassawiy atındaǵı Qazaq-Túrk Xalıqaralıq universiteti 2024-jıl nátiyjelerine kóre, «Dúnyanıń eń jaqsı universitetleri» 1000 lıq reytingine kirgen.