Aldın xabar bergenimizdey, Xoja Axmet Yassawiy atındaǵı Qazaq-Túrk Xalıqaralıq universiteti tárepinen bir qatar professor-oqıtıwshılar filialımızda iskerlik kórsetip kiyatırǵan professor-oqıtıwshılarǵa metodikalıq járdem kórsetiw hám student-jaslarǵa rejede kórsetilgen sabaqların ótiw maqsetinde filialımızǵa kelgen edi.

Búgin Xoja Axmet Yassawiy atındaǵı Qazaq-Túrk Xalıqaralıq universiteti universiteti professor-oqıtıwshıları menen filialda ushırasıw shólkemlestirildi.

Ilajdı filial direktorı A.Ayapov kiris sóz benen ashtı.

Ushırasıwda Xoja Axmet Yassawiy atındaǵı Qazaq-Túrk Xalıqaralıq universiteti professor-oqıtıwshıları filialda alıp barılıp atırǵan jumıslarǵa hám kóplegen baǵdarlarda jaqsı nátiyjelerge erisip atırǵanın ayrıqsha atap ótip, ilimiy iskerlikti kóteriwde ilimiy dóretiwshilik jumıslardı ele de jetilistiriw, jas izleniwshilerdi qollap-quwatlaw, birge islesiwdi bunnan bılay da rawajlandırıw kerekligi boyınsha pikir-usınısların bildirdi.

Ilajda filial professor-oqıtıwshılarına metodikalıq járdem kórsetiw hám student-jaslarǵa sabaqların ótiw maqsetinde kelgen, Xoja Axmet Yassawiy atındaǵı Qazaq-Túrk Xalıqaralıq universiteti professor-oqıtıwshılarına filialımız tárepinen húrmet jarlıqları hám estelik sawǵaları tapsırıldı.

Filial baspasóz xızmeti