Búgin, 6-aprel kúni Ájiniyaz atındaǵı Nókis mámleketlik pedagogikalıq institutı sport sarayında sporttıń milliy gúres túri boyınsha institut rektorı kubogı ushın bellesiwler bolıp ótti.

Er-jigitler arasında 7 salmaqta, hayal-qızlar arasında 4 salmaq kategoriyasında ótkerilip atırǵan jarısqa Ájiniyaz atındaǵı Nókis mámleketlik pedagogikalıq institutı studentleri menen birge, Ózbekstan mámleketlik kórkem óner hám mádeniyat institutı Nókis filialı menen Qaraqalpaqstan awıl xojalıǵı hám agrotexnologiyalar institutınan ulıwma 150 ge shamalas palwan student-jaslar qatnastı.

Qızǵın bellesiwlerge bay ótken jarısta «Kitapxana xabar iskerligi» tálim baǵdarı 2-kurs studenti Shiyrin Nawrızbaeva  70 kilogramm salmaq kategoriyasında  hám  «Dramalıq teatr rejisyorliǵı» tálim baǵdarı 1-kurs studentdi Jaxangir Quwanıshbaev  90 kilogramm salmaq kategoriyasında úshinshi orındı iyelep, ulıwma esapta Ózbekstan mámleketlik kórkem óner hám mádeniyat institutı Nókis filialı komandası sıylı ekinshi orındı qolǵa kirgizdi.

Jarıs juwmaǵında jeńimpazlar shólkemlestiriwshiler tárepinen medal, diplom hám estelik sawǵaları menen sıylıqlandı.

Maǵlıwmat ushın atap ótiwmiz jarısta ulıwma esapta Ájiniyaz atındaǵı Nókis mámleketlik pedagogikalıq institutı student-jasları birinshi, Qaraqalpaqstan awıl xojalıǵı hám agrotexnologiyalar institutı úshinshi orındı jeńip alıwga miyasar boldı.

R.Berdimuratov,

Filial sport klubı baslıǵı orınbasarı.

Filial baspasóz xızmeti.