Ózbekstan Respublikası Joqarı bilimlendiriw, ilim hám innovaciyalar ministrliginiń respublika Joqarı oqıw orınları hám akademik liceylerde  jańa 2024/2025-oqıw jılına tayarlıq kóriw hám tayarlıq processlerin úyreniw boyınsha 2024-jıl 21-avgust kúngi 321-sanlı buyrıǵı tiykarında shólkemlestirilgen respublikalıq jumısshı topar aǵzaları Ózbekstan mámleketlik kórkem óner hám mádeniyat institutı Nókis filialında boldı.

Dáslep bul jerde respublikalıq jumısshı topar aǵzaları A.Daminov filialımız direktorı A.Ayapov penen birgelikte oqıw xanaları, laboratoriyalar, málimleme-resurs hám informaciyalıq texnologiyalar oraylarınıń 2024/2025-oqıw jılına tayarlıǵın kózden ótkerdi.

Sonday-aq, respublikalıq jumısshı topar aǵzaları fakultet dekanları hám kafedralardıń baslıqları menen ushırasıp, oqıw jobaları hám oqıw-metodikalıq komplekslerdiń jaǵdayı menen tanıstı. Olar menen birgelikte ámelge asırılatuǵın jumıslar belgilep alındı.