Nókis qalalıq ishki isler bóliminde ruwxıy hám aǵartıwshılıq kúnine baǵıshlanǵan májilis bolıp ótti. Ilajǵa Ózbekstan mámleketlik kórkem óner hám mádeniyat institutı Nókis filialı «Teatr óneri» kafedrası docenti, Qaraqalpaqstan Respublikasına xızmet kórsetken artist, «Doslıq» ordeni iyesi B.Nazarımbetov qatnasıp «Teatr tárbiya oshaǵı» atamasında lekciya oqıdı.

Onda Ózbekstan Respublikası Prezidentiniń 2023-jıl dekabr ayında ótkerilgen Ózbekstan Respublikası mádeniyat xızmetkerleri menen ushırasıwı haqqında hám Prezident tárepinen tapsırmalar berilgenligi boyınsha maǵlıwmat berip ótti. Sonıń menen bir qatarda eń birinshi teatr payda bolǵanda aktyorlardıń sheberlik penen rol atqarǵanlıǵı, Qaraqalpaqstan Respublikasınıń eń birinshi profissional rejissyorı T.Allanazarov haqqında hám onıń saxnaǵa qoyılǵan spektaklleri boyınsha sóz etti. Sonday-aq, jaslardı shet ellerge tájriybe arttırıw maqsetinde oqıwǵa jiberiw, tarıyxıy shıǵarmalar qáliplestiriw, jaslardı tárbiyalawǵa qaratılǵan spektakllerdi saxnalastırıw hám olardı shetki awıl turǵınlarına qoyıp beriw hám aydıń bir kúni teatr kúni dep belgilew kerekligin usınıs etti. Ilaj sońında  Nókis qalalıq ishki isler bólimi xızmetkerleri aydıń bir kúni teatr kúni dep belgilewge hám teatrǵa barıwǵa wáde berdi.

Filial baspasóz xızmeti