Ózbekstan mámleketlik kórkem óner hám mádeniyat institutı Nókis filialı «Rejissura hám aktyor sheberligi» kafedırası professor-oqtıwshılar «Xalıq qosıqların atqarıw» temasında student-jaslarǵa sheberlik sabaqların ótti.

Onda M.Ismailova studentlerge xalıq qosıqlarınıń atamaları hám Qaraqalpaq xalıq qosıǵı bolǵan «Dembermes» qosıǵınıń aytılıw jolların túsindirdi. Bunnan soń studentler de «Gúlshıray», «Pashayı kóylek», «Qız minayım» «Aydınlar» qosıqların birgelikte atqardı.

Sonday-aq, «Muzıkalı teatır aktyorlıǵı» 3-kurs studenti O.Serjanov Neapolintan xalıq qosıǵı bolǵan «Santaluchio» hám 2-kurs studenti Á.Babaniyazov Qaraqalpaq xalıq qosıǵı bolǵan «Dayı qız», «Dramalıq teatr hám kino aktyorliǵı óneri» 4-kurs studenti S.Qarjawbaev «Ǵárib ashıq» muzıkalı spektalinen úzindilerin sheberlik penen atqardı.

ÓzMKÓMI Nókis filialı baspasóz xizmetı