Xabarıńız bar, házirgi waqıtta M.Awezov atındaǵı Qubla-Qazaqstan universitetiniń “Oner” kafedrası aǵa oqıtıwshıları Batırjan Shikirtaev hám Bayan Djukeevalar filialımızdıń studentlerine eki universitet ortasında dúzilgen shártnamaǵa muwapıq sabaq ótip atır.

Búgin, qazaqstanlı professor-oqıtıwshılar filialdıń Oqıw isleri boyınsha direktor orınbasarı J.Shaniyazov penen ushırasıp, eki joqarı oqıw ornı ortasında birge islesiwdi elede bekkemlew, oqıw hım ilimiy proceste óz-ara tájiriybe almasıw haqqında pikir alıstı. J.Shaniyazov miymanlarǵa xızmet saparı menen kelgeni ushın minnetdarshılıq bildirdi. Filial direktorı atınan qazaqstanlı oqıtıwshılarǵa Sertifikatlar hám Minnetdarshılıq diplomları tapsırıldı.

Sonday-aq, eki universitet ortasında dúzilgen Shártnamaǵa tiykarlanıp studentlerdi akademiyalıq almasıw baǵdarlamasına qatnasıp atırǵan M.Awezov atındaǵı Qubla-Qazaqstan universiteti studentleri Bayarıstanova Nuray hám Abayqızı Áminalarǵa da sabaqlarǵa qatnasqanlıǵı haqqındaǵı Sertifikatlar tapsırıldı.