Sırtqı tálim baǵdarına qabıl etilgen studentler menen ushırasıw ótkerildi

Ózbekstan mámleketlik kórkem óner hám mádeniyat institutı Nókis filialına bıyılǵı jańa 2024-2025-oqıw jılında sırtqı tálim baǵdarına qabıl etilgen 1-kurs studentleri menen ushırasıw keshesi bolıp ótti.

Ilajda filialımız direktorı A.Ayapov sózge shıǵıp, bársheni Ózbekstan Respublikası Ǵárezsizliginiń 33 jıllıq bayramı sonday-aq, 2024/2025-oqıw jılında oqıwǵa qabıllanıp, student bolıw baxıtına miyassar bolǵan student-jaslardı hám olardıń ata-anaların qızǵın qutlıqladı.

Sonıń menen birge, Húrmetli Prezidentimizdiń mámleketimizde bilimlendiriw tarawına bolǵan ayrıqsha itibarı hám jaslarımızǵa berilip atırılǵan imkaniyatlar, institutımızda student-jaslar ushın jaratılǵan qolaylıqlar haqqında aytıp ótti.