Búgin, 3-may kúni Ózbekstan mámleketlik kórkem óner hám mádeniyat insititutı Nókis filialında Qaraqalpaq klassik ádebiyatınıń kórnekli wákili, Ózbekstan Qaharmanı, Ózbekstan hám Qaraqalpaqstan xalıq shayırı, Berdaq atındaǵı mámleketlik sıylıqtıń laureatı Ibrayım Yusupovtıń tuwılǵanına 95 jıl tolıwına baǵıshlanǵan “Siz mángi jasaysız poeziya juldızı” atamasında ádebiy keshe bolıp ótti.

Ílajdı filial direktorınıń  Jaslar máseleleri ruwxıy aǵartıwshılıq isleri boyınsha orınbasarı A.Ótepbergenov ashıp berdi.  Onda Ózbekstan hám Qaraqalpaqstan Respublikasına xızmet kórsetken kórkem óner ǵayratkeri, Berdaq atındaǵı mámleketlik sıylıqtıń laureatı, professor  Qurbanbay Zaretdinov, “Aktyor sheberligi” kafedrası professorı Ózbekstan Respublikasına xızmet kórsetken artist Maryash Ismailova, “Social-gumanitar pánler” kafedrası docenti Amangúl Prekeeva hám usı kafedaranıń aǵa oqıtıwshısı S.Fayzullaevalar shıǵıp sóylep shayırdıń ómiri hám dóretiwshiligi haqqında kóplegen maǵlıwmatlardı atap ótti.

Keshe sońında filial student-jasları tárepinen Ibrayım Yusupovtıń qálemine tiyisli qosıqlarınan ádebiy oqıwlar oqıp, saxnalıq kórinisler qoyıp berildi.