Ózbekstan mámleketlik kórkem óner hám mádeniyat institutı Nókis filialı direktorı A.Ayapov, direktor másláhátshisi Q.Yakupov, jaslar menen islesiw ruwxıy hám aǵartıwshılıq bólim qánigesi T.Dawletmuratov hám filial jaslar awqamı jetekshisi J.Berdimuratovlar  Beruniy rayonınan biriktirilgen jaslar menen ushırasıw ótkerildi.

         Bul baǵdarda Ózbekstan mámleketlik kórkem óner hám mádeniyat institutı Nókis filialına Beruniy rayonındaǵı «U.Jumaniyazov», «Shimom», «Buston», «Tınıshlıq», «Sarkop», «Lalazar», «Ibn sino», «Amir Temur», «Doslıq», «Markaziy», «Bunyodkor», «Saraykól», «Shabbaz»  awıl hám mákan puqaralar jıyınlarınan sociallıq qorǵawǵa mútáj hám mayıplıǵı bolǵan 37 jas biriktirilgen bolıp, olar menen tıǵız birge islesiw hám mashqalaların úyreniw baǵdarında nátiyjeli jumıslar alıp barılmaqta.

Búgin filial juwapker xızmetkerler biriktirilgen jaslardı sociallıq  jaqtan qollap-quwatlawda rayondaǵı «Tinchlik» awıl puqaralar jıyını aymaǵında jasawshı mayıplıǵı bolǵan Shavkatova Maftuna, Sheripboeva Zaynab, sonday-aq, «Shimom» awıl puqaralar jıyını aymaǵında jasawshı mayıplıǵı bolǵan Xudoynazarova Mashxura hámde Usanova Umida shańaraqlarınan xabar alınıp ámeliy járdemler kórsetildi.

 Óz gezeginde jaslar hám olardıń ata-anaları usınday kórsetilip atırǵan ǵamqorlıqlardan kewli tasıp, ózleriniń sheksiz minnetdarshılıǵın bildirdi. 

 Álbette, bul ilajlar mámleketimizde jaslarǵa qolaylıqlar jaratıw  hám olardı hár tárepleme qollap-quwatlaw baǵdarında júrgizilip atırǵan jumıslardıń ámeliy kórinisi bolıp tabıladı.