Ózbekstan mámleketlik kórkem óner hám mádeniyat institutı Nókis filialı student-jasları arasında sporttıń stol tennis túri boyınsha filial birinshiligi ótkerildi.

Dáslep Jaslar máseleleri hám ruwxıy-ag‘artıwshılıq isler boyınsha direktor orınbasarı A.Ótepbergenov shıg‘ıp sóylep, jarıs qatnasıwshılarına elimizde sport tarawın rawajlandırıwda alıp barılıp atırg‘an jumıslar, sonday-aq, ruwxıy hám fizikalıq jaqtan salamat bolıp jetilisiwde sporttıń áhmiyeti haqqında atap ótti.

Bunnan soń jarısqa start berildi. Qızg‘ın bellesiwlerge bay bolg‘an jarısta er balalar arasında «Mádeniyat hám kórkem óner mákemelerin shólkemlestiriw hám basqarıw» tálim bag‘darınıń 3-kurs studenti              I.Turdımambetov birinshi orın, «Qosıq hám ayaq oyın» tálim bag‘darınıń 1-kurs studenti E.Erjanov ekinshi, al, «Dramatik teatr rejissyorlıg‘ı» tálim bag‘darınıń 1-kurs studenti N.Esbosınov úshinshi orındı jeńip alıwg‘a miyasar boldı.

Sonday-aq, qız-balalar arasında «Kitapxana hám xabar iskerligi» tálim bag‘darınıń 1-kurs studenti U.Uzaqbaeva birinshi, «Kitapxana hám xabar iskerligi» tálim bag‘darınıń 2-kurs studenti S.Jumag‘ambetova ekinshi orındı iyelegen bolsa, «Mádeniyat hám kórkem óner mákemelerin shólkemlestiriw hám basqarıw» tálim bag‘darınıń 1-kurs studentdi S.Utebaeva úshinshi orındı qolg‘a kirgizdi.

Jarısta eń jaqsı oyınshı nominatsiyasıda shólkemlestirilip, onda «Dramatik teatr aktyorlıg‘ı» tálim bag‘darınıń 1-kurs studenti «Eń jaqsı oyınshı» nominatsiyası boyınsha jeńimpaz dep tabıldı.

Ilaj sońında jeńimpazlarg‘a shólkemlestiriwshiler tárepinen bahalı sawg‘alar tapsırıldı. 

Filial baspasóz xızmeti.