Ózbekstan Respublikası Joqarı bilimlendiriw, ilim hám innovaciyalar ministrligi hámde Ózbekstan Respublikası Ishki isler ministrligi menen birgelikte «Joqarı oqıw orınlarında huqıqbuzarlıqlar profilaktikasın ámelge asırılıwın jáne de jetilistiriw hakqında»ǵı 2024-jıl 25-marttaǵı 06/12-sanlı Qospa qarardıń orınlanıwın támiyinlew  maqsetinde hár hápteniń piyshembi kúni barlıq joqarı oqıw orınlarında «Studentler qáwipsizligi» kúni ótkeriliwi belgilengen.

Usı múnásibet penen Ózbekstan mámleketlik kórkem óner hám mádeniyat institutı Nókis filialı profilatika inspektorı N.Erimbetov student-jaslar menen ushırasıp túsindiriw jumısların alıp bardı. Onda student-jaslarǵa filialımızda zamanagóy joqarı bilimlendiriw ushın jaratılǵan sharayatlar haqqında ayta kelip, ishki tártip-qaǵıydaları, jınayatshılıq hám huqıqbuzarlıqtıń aldın alıw, kóshede, jámiyetlik orınlarda hár bir insannıń ózin uslap-tutıwı, oqıw procesinde belgilengen nızam, tártip-qaǵıydalarǵa qayshı keliwshi háreketlerden saqlanıw boyınsha úgit-násiyatlaw jumısları alıp barıldı.

Ilaj sońında studentlerdi qızıqtırǵan sorawlarına tolıq juwap berildi.