Ózbekstan mámleketlik kórkem óner hám mádeniyat institutı Nókis filialı Xalıq dóretiwshiligi (Vokal atqarıwshılıǵı)” tálim jónelisi 1-kurs studenti Polat Ismailov “New Art Stars” xalıqaralıq kóp janrlı tańlawında “Gran-Pri” diplomı jeńimpazı boldı.

Házirgi waqıtta sabaqtan tısqarı waqtında “Xalıq dóretiwshiligi” kafedrası janınan shólkemlestirilgen “Estrada” dógereginde ustazı, Qaraqalpaqstan Respublikası Xalıq artisti Gulnara Munteevadan bilim hám tájiriybe alıp atıǵan talantlı studentimiz bul xalıqaralıq tańlawǵa “Vokal kórkem óneri” nominaciyası boyınsha qatnasıp, Ispaniya hám Qazaqstan mámleketleriniń ataqlı kórkem óner tarawı alımları tárepinen joqarı bahalandı. Sonday-aq, tańlawǵa shákirtin ılayıqlı tayarlaǵanı ushın “Xalıq dóretiwshiligi” kafedrası oqıtıwshısı, Qaraqalpaqstan Respublikası Xalıq artisti Gulnara Munteeva da shólkemlestiriw komitetiniń “Minnetdarshılıq xatı” menen sıylıqlandı.

Filial baspasóz xızmeti