Búgin Ózbekstan mámleketlik kórkem óner hám mádeniyat instituti Nókis filiali «Rejissura hám aktyor sheberligi «kafedrasınıń «Muzikalı teatr rejissorlıǵı» tálim baǵdarınıń 2-kurs student jasları juwmaqlawshı qadaǵalaw jumısın tapsırdı.

Onda studentler Keńesbay Raxmanovtıń «Jaralı júrekler», Jiwra Maxmudov «Qızıl shıraq», A.P.Chexov «Ayıw», A.N.Ostrovskiy «Gúldirmama», Àbdiraxan Òtepov «Teńin tapqan qız», A.S.Pushkin «Kapitan qızı»,Keńesbay Raxmanov «Urını qaraqshı bastı», Annabaev Ruslan «Tenge», Izzet Sultan «Ańlamay bastım tikendi», Erkin Xushvaqttıń «Shımıldıq» saxnalıq kórinislerin sheberlik penen atqardı.

Shıǵarmalardı kórkemlik jaqtan saxnalastırıwda Ózbekston xalıq artisti, Berdaq atındaǵı mámleketlik sıylıqtıń laureatı, «Mehnat shuhrati» hám «El-Yurt hurmati» ordenleriniń iyesi «Rejissura hám aktyor sheberligi» kafedrası professorı, pán oqıtıwshısı N.Ańsatbaev basshılıq etti.

Sondaq-aq, usı kafedra baslıǵı L.Orazımbetova hàm kafedra oqıtıwshıları M.Ismaylova, N.Pırımbetovalar qatnasıp, búgingi imtixan boyınsha óz pikir-usınısların bildirdi hám student jaslarǵa aldaǵı imtixanlarda áwmetler tiledi.

QMU studenti D.Kalbaeva