Búgin Ózbekstan mámleketlik kórkem óner hám madeniyat institutı Nokis filialı «Folklor hám etnografiya» kafedrası tárepinen studentlerdiń innovatsiyalıq ideyaların qollap-quwatlaw hám startap joybarlar menen tanıstırıw maqsetinde Jaslar Texnoparkine ilimiy-ámeliy ekskursiya shólkemlestirildi.

Sayaxat dawamında startap joybarlarǵa qızıǵıwshı studentlerge Startap joybarı túsinikler berilip, onıń dástúriy biznesten ayırmashılıǵı, idea basqıshınan tayın ónim dárejesine deyin jetip barıw jolları haqqında maǵılwmatlar berildi.

Kafedra oqıtıwshısı G.Óteshova jetekshiliginde shólkemlestirilgen bul ekskursiyada studentler folklor tarawın (milliy qadriyatlar, dastanlar, etnomuzika) zamanagóy texnologiyalar menen qalay birlestiriw múmkinligi boyınsha ózlerin qızıqtırǵan sorawlarına juwap aldı.

Filial baspasóz xızmeti