Rossiya Federaciyasınıń “Jańa ideyalar” pedagogik sheberkik orayında aralıqtan online túrde “Восходящие звезды – 2022” xalıqarlıq muzıkalı tańlawı járyalanǵan edi.

Onda Ózbekstan mámleketlik kórkem óner hám mádeniyat instetutı Nókis filialı “Muzıkalı teatr rejissyorlıǵı” tálim baǵdarı 2-kurs studenti Nawrızbek Esimbetov rus xalıq shayırı S.Esenindıń “Ты меня не любишь не жалеешь” atamasındaǵı avtorlıq jumısı jónelisi boyınsha qatnasıp 1-dárejeli laureatı iyesi bolıwǵa miyasar boldı.

Sonday-aq, “Muzıkalı teatr aktyorlıǵı” tálim baǵdarı 3-kurs studentleri Orazbek Serjanov Qaraqalpaq xalıq shayırı Berdaqtıń “Омирим” atamasındaǵı Xalıq qosıqları jónelisi boyınsha Gran-pri jeńipazı hám Azizbek Nuradinov Ajiniyaz opersı “Ария Примбия” akademik vokal jónelisi boyınsha 2-dárejeli laureat iyesi bolıwǵa miyasar boldı.

Jeńimpazlardıń tańlawda qatnasıwında «Rejissura hám aktyor sheberligi» kafedrası professorı Najimatdin Ańsatbaev hám «Xalıq dóretiwshiligi» kafedrası aǵa oqıtıwshsı Nurnazar Qallibekovlar basshılıq etti.

ÓzMKÓMI Nókis filialı baspaóz xizmetı