Xosh xabar

Filialımızdıń talantlı studentleri Jasur Bekmuratov hám Nadira Yusupbekovalar Belarus Respublikasınıń Minsk qalasında ótkerilgen “Jańa shıńlar-2023” («Новые Вершины-2023») IX Xalıqaralıq festival-tańlawına onlayn túrde qatnasıp, festival-tańlawdıń sıylı orınların iyelewge eristi.

Belarus Respublikası Jaslar Keńesinıń Minsk qalası komiteti, Minsk wálayatlıq Xalıq dóretiwshiligi Orayı, Minsk wálayatı drama teatrı, M.I.Glinki atındaǵı Minsk mámleketlik muzıka kolledji hám bir qatar shólkemler tárepinen shólkemlestirilgen festival-tańlawǵa studentlerimiz ustazı Maryash Tajigalieva basshılıǵında ózleriniń dóretpelerin tayarlap, jollaǵan edi. Belarus Respublikası kórkem óneri hám mádeniyatınıń belgili ǵayratkerlerinen quralǵan jyuriler toparı studentlerimiz Jasur Bekmuratov hám Nadira Yusupbekovalardıń dóretpelerin joqarı bahaladı.

Solay etip, Jasur Bekmuratov “Jańa shıńlar-2023” («Новые Вершины-2023») IX Xalıqaralıq festival-tańlawınıń “Estradalıq vokal (solo)” nominaciyası boyınsha I dárejeli leaureatı Diplomına ılayıq kórilgen bolsa, Nadira Yusupbekova “Estradalıq vokal (solo)” nominaciyası I dárejeli Diplomı iyesi dep tabıldı. Xalıqaralıq festival-tańlaw shólkemlestiriwshileri tárepinen filialımızdıń “Rejissura hám aktyor sheberligi” kafedrası oqıtıwshısı Maryash Tajigalievaǵa shákirtlerin tańlawǵa jaqsı tayarlaǵanı ushın “Minnetdarshılıq xatı” jiberildi.

Filialımız jámááti tárepinen studentlerimiz J.Bekmuratov hám N.Yusupbekovalardı, “Rejissura hám aktyor sheberligi” kafedrası oqıtıwshısı M.Tajigalievanı xalıqaralıq dárejedegi tabısları menen shın kewilden qutlıqlaymız!

Filialdıń Xalıqaralıq birge islesiw bólimi.