Усы жыл 20-апрель күни Мойнақ районында Халықаралық Аралды қутқарыў қоры дүзилгениниң 30 жыллығы мүнәсибети менен студент жаслар арасында Арал бойы аймағын раўажландырыўда инновациялық шешимлер» атамасында идеялар таңлаўы өткерилди.

Таңлаўда Өзбекстан мәмлекетлик көркем өнер ҳәм мәденият институты Нөкис филиалы Музыкалы театр актёрлығы тәлим бағдарының 4-курс студенти Ислам Зинатдинов, Китапхана хабар искерлиги тәлим бағдарының 1-курс студенти Жулдыз Турсынбаева, сондай-ақ, Кино ҳәм телевидение режиссерлығы тәлим бағдарының 4-курс студенти Тимур Амировлар өз жойбарлары менен белсене қатнасып, таңлаў жеңимпазлары болды.