Búgin 27-fevral kúni Ózbekstan mámleketlik kórkem óner hám mádeniyat institutı Nókis filialında «Teatr kórkem óneri» fakulteti dekanı G.Xodjametova basshılıǵında «Teatr kórkem óneri» fakulteti Metodikalıq Keńesi bolıp ótti. Onda kún tártibindegi máseleler qaralıp, kafedralarda byudjetten tısqarı  qarjı tabıw hám professor-oqıtıwshılardıń kásibin jetilistiriw jobalarınıń orınlanıwı, óz-ara sabaqqa kiriw hám ashıq sabaqlardıń 1-yarım jıllıqtaǵı  orınlanıw nátiyjeleri hám sabaqlarda texnik qurallardan paydalanıwdıń  jaǵdayları, qısqı sessiyanıń juwmaǵı hám fakultet jámáátiniń oqıw jılınıń 2-yarımındaǵı wazıypaları, «Aktyor sheberligi», «Rejissura kórkem-óneri», «Vokal» kafedralarınıń baǵdarlarında mámleketlik pedagogikalıq ámeliyatı barısı, ilimiy dárejeni kóteriw maqsetinde ishki attestaciya fakultet kesiminde ótkeriw, pitkeriwshilerdiń kontrakt tólemin kúsheytiw, 4-kurs studentlerdiń tártip intizam, sabaqtan qalǵan studentler menen islesiw xaqqında túsinik jumısları alıp barıldı. Sonday-aq, aǵımdaǵılar, qollanbalardı baspadan shıǵarıw hám vokal kafedrası aǵa oqıtıwshısı A.Bekpolatovanıń “Jámáát atqarıwshılıǵı” sabaqlıǵı dodalandı.