Ullı sóz sheberleri, mámleketlik isker, shayır Álisher Nawayı hám Zahiriddin Muxammed Baburdıń ómir jolı, bizge miyras etip qaldırǵan bay ádebiy dóretpeleriniń jaslar tárbiyasında tutqan ornı ayrıqsha esaplanadı.

Sóz múlkiniń sultanı Álisher Nawayınıń tuwılǵanına 583 jıl, Sárkarda, alım hám shayır Zahiriddin Muxammed Baburdıń tuwlǵanına 541 jıl tolıwı múnásibet menen búgin 9-fevral kúni Ózbekstan mámleketlik kórkem óner hám mádeniyat institutı Nókis filialı zalında «Ullı tulǵalar» atamasında ádebiy keshe shólkemlestirildi.

Ilajda filial direktorı orınbasarı A.Ótepbergenov, Ájiniyaz atındaǵı Nókis mámleketlik pedagogikalıq institutınıń «Ózbek tili» kafedrası docenti N.Allambergenova, «Social-gumanitar pánler» kafedrası docenti A.Prekeeva hám Qaraqalpaqstan Respublikası boyınsha Milliy gvardiyası 81-416 áskeriy bólim komandiri orınbasarı Kopitan J.Rashidovlar sózge shıǵıp Álisher Nawayı hám Zahiriddin Muxammed Babur haqqında tayarlaǵan bayanatların oqıp esittirdi. Ilaj sońında shólkemlestiriwshiler hám student-jaslar tárepinen tayarlanǵan sahnalıq kórinisler hám koncert baǵdarlaması menen juwmaqlandı.

Shólkemlestiriwshiler: Jaslar menen islesiw, ruwxıy hám aǵartıwshılıq bólimi baslıǵı S.Abatbaev, «Social gumanitar pánleri» kafedrası oqıtıwshıları M.Shamuratova, Q.YUsupov, «Rejissura kórkem óneri» kafedrası aǵa oqıtıwshısı M.YUsupbaev hám Rejissyor asistenti M.Jumabaev.

Filial baspasóz xızmeti.